今次用「一嗨」租車，好方便，一過左關就「搵網約車」集合點，一嗨係A同B區之間，唔難搵。
拎車手續好快，有職員會幫你用APP處理手續。
1. 一嗨先收¥2000 按金（違章按金）// 如果沒有違規、超速、抄牌、罰款。一嗨會退返俾你。
2. 出發前，最好要下載定一嗨個App, 因為到時會冇車匙，係用App 開車、鎖車。
3. 用App 辦理取車手續，影車身的前前後後，上載返去App。
4. 入油： 唔怕入多入，如果入多左油，佢會按當日油價退返俾你。App入面有得睇架車巿幾多升油。例如：取車時24升，還車時：30升油，佢會退返6升油俾你。30-24=6 x ¥8.01 = ¥48.06
5. 高速公路收費：一嗨冇俾到ETC卡，即係要人手俾錢，「人工」通道，「人工通道」通常係最右線，所以到收費站預早轉去最右線。去程大約¥55左右。回程撞正公眾假期，所以係免費。
今次我地主要係佛山玩，其實好多地方都有得泊車，有街嘅咪表、有停車場，大部分頭一個鐘都唔駛錢，有d食店有自設停車場🅿️免費嘅。
